®(* Al BtO.oL *...'s profile~*¤®§)(* Al BtO.oL *)(§®...PhotosBlogListsMore  |  Tools Help |
|
January 22 :: المملكه ::بسم الله الرحمن الرحيم
والسلاام عليكم ورحمه الله وبركاته
للي ما يعرف
اقصد بعنواني
المملكه العربية السعوديه
وزياارتي الاخيره لها
طبعا في هالزياره صارت لي اشيااء وااايده
واعتبرها اشيااء تصير لاول مره فحيااتي
اول شي
الحج
وهي اول مره لي اسااافر فيها
وان شااء الله تتكرر
هالسفره كانت غير عن بااقي السفرات اللي مرت في حيااتي
يعني الاهتمام فيها غير
يعني بالعاده الاشيااء اللي نتضايق فيها فالسفرات
مكان النوم ،، الحمام(الله يعزكم) والاكل
وغيرها من الاشيااء الصغيره اللي تنرفزنا ويمكن تخرب السفرات والاجازات
هالمره كان احساس هالسفره غير،، بكل ما تحمله الكلمه من معنى
على قولتهم
عباده واستفاده
واتمنى انكم تعيشون الجو اللي عشته
وكل الاشيااء اللي ذكرتها قبل ،، صارت اشياء ثانويه بالنسبه لي
يعني مالها ذاك الاهتمام الكبير
الحيااه في هذيك الاياام كانت حلووه
مرتبه
مافيها هموم وافكااار تشغلك طول الوقت
صح كان فيها شوي من الروتين ،، بس كان حلوو
الحج متعه بكل شي فيه
الحج عظه وعبره بكل لحظه فيه
تمنيت هالاياام تطوول ،، والصحبه الحلوه اللي انجمعت معاها
ما تنتهي ،، واتمنى اننا نلتقي حتى بعد الحج
لكل اللي قابلتهم فالحج ،، لكل فرد كان بالحمله
للحين اذكركم ،، ومااظن فيوم بنسااكم
واتمنى لكم التوفيق ياااارب
في دينكم ودنياكم
.+.+.+.+.+.+.
هااي صورتين من منى
وحده سميتها
:: ليل منى ::
على اخر الليل
اخر الليل في منى يعتبر الساعه 9 ترا
9:30 يسكرون الليتات
ويلا رقاااد
ماشي سوالف ولا سهر
تحس الحيااه هنااك غير
المهم طلعنا نتمشى شوي
وهذي لقطه اخذتها بعد خووف
ماعرف ليش اخاف يوم اصور فالسعوديه
احسه رعب
هههههههههههههههههه
بس الجووو رووووعه
مب برد ولا حر
الصوره الثانيه
لاول يوم من ايام التشريق
رمي الجمرات
اللي تابع الاخبار ،، اكيد شاف اللي صاار
من الزحام والتدافع اللي ادى الي موت الكثير
واصابتهم
سمعت بعد انه بعض من اعضاء الشرطه اللي تدخلت عشان تنظم الحركه اصيبوا
عسى الله يرحم الجميع ويغفر لهم ويصبر اهلهم
وهاي صوره بعد ما خف التزاحم تقريبا العصر
وفيها آثار ومشاهد على اللي صار :: منظر مااعرف كيف اوصفه:: يخليك تعجز عن الكلام وتكتفي بالنظر وذكر الله
في هاللحظه احب اذكر كل اللي ذكرووني وخافو علي وانا مطنشه العالم والله ما نسيتكم ولا توقعت انكم تنسوني بس ماعرف كيف افسر اللي صار كنتم فبالي مثل ما كنت فباالكم بس ما توقعت حد يتصل الف الف شكر لكل اتصاال وصلني ولكل قلب خاف علي عسى الله يحفظكم من كل شر
احيانا احمد ربي عاللي صااار يمكن بسببه رجعت اضحك شوي رجعت اسولف واستانس وارجع ماضي للحظات او ساعات بسيطه
ويتطمن قلبي اكثر واكثر عاللي احبهم
سوااالف كثيره مرت علي فالحج كله كووم وكل ما طلعنا نرمي ولا نطووف والقااطره اللي نمشي فيها امسكي الثوب امسكي العبايه
والوصايا اذا ضعتي خلج عند هالباب اذا ضعتي افتحي الموبايل واتريي الاتصال لا اله الا الله يا قلبي وين اضيع بس شو نسوي
احدى المواقف اول طواف لنا حطينا نعولنا (وانتم بكراامه ) في مكان وااحد
طفنا وسعينا وردينا وترااااااااااااااااااااااااااااااااااا
ماشي نعووووووووول ههههههههههههههههههههههه كل وااحد مستانس بنعاله يديد بس شو المفاجأه نعالي الوحيد اللي موجود
شو تتوقعون قصده اللي اخذ النعول نعالي ما عجبه ولا مب قد المقام طووووووفوووا ،، اسووولف حليلهم اهلي اخرتها زنانيب<<جمع زنوبه لحد يدقق كلها نفس السايز
وطواف الوداع صرنا اذكيااء سوينا خطه ابوي اللي قال عليها اول مره وما سمعنا كلامه نحط كل فرده فارض طواف فالدور الثاني وسعي فالسطح وبرررررررررررررررررد والماي تحت متجمد خلاااص انشلت الحركه
ملاحظاتي على الحج طبعا استنتاجات شخصيه في هالفتره الكل ::تاكسي:: يعني عادي اشر لاي حد من غير ما تاشر يوقفون العالم ادري قديمه بس بالنسبه لي اكتشاف الشي الثاني كل جمس بدوون جامات _درايش_ وخاصه الجامه الخلفيه مب موجوده او الباب مشرع يعني توصيييييييييييل اكيد عالم فووق وعالم تحت عالم تنط وسط الزحمه
ما اقوول غير الحمد لله والشكر على النعمه وناااس تنتطلق بسرعه جنونيه واسعاااار ما تعرف شو تبااا احيييييييين مشواار خمس دقايق بــ 100 للنفر ليييييييييييييش تروح الصبح بــ 5ريالات ترد البيت فالليل بــ 10ريالات والله حاااله
المهم جميع انواع المواصلاات ركبتها تاكسي سياره خاصه جمس مشحون من ورى وجدام وفوق باااص وموقف صار خلال البحث عن وسيله مواصلات فالشارع اني بغيت اجيب العيد قبل العيد واطيح فحفره عمقها متر وكلها اخشااب ومخلفاات بنااء ياااااااحلااااااااااااااوه تداركت نفسي فاللحظه الاخيره
المواصلاات هذي تطوف المشكله انه تركب باااص وتيلس فيه 12 ساعه متواااااااااصله عشان تخلص 12 كيلو يعني الساعه بكيلو<<<للفاشلين بالرياضيات اااااااااخ يالتعب هذااك اليوم خلااص الركب تصييييييييييح والظهر يبكي :
: :
سوااالف كثيره تضحك وسالف كثير تكسر الخااطر وسوالف اكثر ،، تخلي الانسان يشكر ربه على اقل نعمه هو يملكها وغيره فاقدها بقوووه وانتهى الحج بحمد الله وحج مغفور ،، وسعي مشكوور وذنب مغفور باذن الله تعالى
.............................. صووور من مكه ترا الانتظار يسوي بلااوي يخليك تطالع عباد الله وتصورهم
.+.+.+.+.
هذا اطاال الله في عمره مب تارسه عينه الاشاره الحمرا واااقف بعدها ،، وبعد خطوط المشااة ويباا يلف بعد والعالم الثانيه اشارتهم خضرا
هذي عيبتني الصوره شكلها حلوووو .+.+.+.+. يااااااشين الانتظار والله ^ مب موضحه الاشكااال ^_^
فالاخير وصلني تهديد انهم بيصورووني ويصوروون سيارتنا بس اشوى ،، شكله محد صووور هههههههههههههههههههه
شي اخير تمنيت اصووووره من الخاااطر شكل الحرم اياام الحج زحمه النااس شي فضييع
ما اقوول غير يااابخت اللي عنده كاميرا صغيره ولا موباايل تصوويره حلووو قدر يهربه
ولا هم ماسكينا تفتيش عند البوابااات
وبدانا رحله العــوده
مرورا بجده كم يوم
وتعشنا هنيه ^ الجاوي على اصووله هم كاتبين ،، ما يخصني انا هههههههههههههههههههه
للاسف ما سرنا البحر
فالدرب : اولا اهـــــــــداء
ترا هذي طلبية خاصه لي انا مممممممممممممممم لذيييذه<<<<<احس اني اسوي دعايه
ووصلنا اجوااء الريااااض وبدا البرد يشتد
واقل درجه حراره رصدنااها <<<محطه الارصاد الجويه على غفله
وشكله فالليل زااد البرد
والله برررررررررررررررررررررررررد بس حلوووووو
وحااان وقت الوداااع
لاول مره احس بمعنى الوداع للسعوديه
دائما كنت احب منظر الغروب عالبحر او في اي مكان وما كان يعني لي غير منظر حلو استمتع وانا اطالع فيه
مع اني هذي زياارتي المليون لها بس هالمره غيـــر
الغروب هالمره عنى لي
الرحيل الوداع الفراق
بدينا نودع ارض المملكه والغروب ورانا وحالة صمت <<<<صايره رومانسيه
كنت فالبدايه اضحك واعلق على كل كلمه (مخرج) واقوول يا كثر هالمنطقه
وبعدها صرت اراقب كل مخرج ودي لو يدشوونه وارجع
لاول مره اشتااق للسعوديه ولا ودي افاارقها بسرررعه ولاول مره ما احس بالحنين القوي للامارات
وغابت الشمس على ارض المملكه وانتهى اليوم وبدينا يوم جديد على ارض الامارات مع ذكريااات كثيره ومواااقف وناااس تركووا في قلبي بصمه مستحيييل يمحيها الزمان
للناس عامه وللاشخااص خاصه تمنياتي لكم بالتوفيق والله يسعدكم دنيا واخره
وبالتوفيق في امتحاناتكم <<<هذي لاهل السعوديه حليييييييييلكم <<<<<<<ما تتشمت ابد
امتحانات بعد العيد
واخيرا وليس اخرا اهـــداء بسيط لنشيد سمعته وقت الحج اتمنى تستمتعون بالاستماع له مثل ما استمتعت انا بكل كلمه فيه
فمان الله
Comments (2)
TrackbacksThe trackback URL for this entry is: http://albtool.spaces.live.com/blog/cns!F1C1A368C9C3FADB!265.trak Weblogs that reference this entry
|
الله يغفر لهم وعسى مثواهم الجنه 
|
|
